నా జీవిత సహచరినా ప్రేమ తొలినాళ్ళలో,వెంటపడినా
తన తీయని స్పర్శ,అనుభవించాలని
ప్రతిక్షణం, పరితపించాను అలనాడు
ఓ క్షణమేనచాలు ,తనతో గడపాలని
సృష్టికర్తకు వినపడిందేమో? నా ఆకాంక్ష
తన జీవితానే నాకు అర్పించాడు.
నాతో నడిచే ,అడుగుల సమయంలో
నాకు అగుపడింది, ఓ శ్వేత సుందరిలా.
అగ్రవర్ణంమైనా ,నేను నీ జంట పక్షినంటు
ఈ శూద్రుని కోసం , బిక్షాటన చేసింది.
ఆకాశ చుక్కలు లెక్కించే అల్పుడికి
తన కన్నీటిచుక్కలు దాచిన శోక వనిత
నా జీవితమనే అంధకార పుస్తకములో
ఆమె మాటలు లేని మూగభావపు చివరిపుట
మౌన సందిగ్ధత తెలియని జీవిత సహచరి.
అందని క్షణాన అది నాకు స్మశాన యాత్ర
No comments:
Post a Comment